He taiwhanga hou a Hawaikirangi. I hangaia ki te whakatutuki i ngā kaupapa toi auaha, ki te manaaki i ngā apataki taiwhanga me te waihanga kaupapa hāngai pū ki ngā apataki e tūhonotia ai ngā hapori, ā, kia whai take hoki tā mātou mahi tahi atu ki te hunga kōtui.
He wāhi whaiora, he pokapū toi hoki tēnei e taea ai ā mātou apataki, te hapori hanga hōtaka me ngā kaihoe te waihanga, te tūhono me te whakanui i te ao Māori me āna kaupapa.
Mā te hanga i tēnei taiwhanga nui, wāhi hanga hōtaka hoki e hāngai pū ana ki ngā apataki ka whakaaturia te pitomata o te ao pāpāho hei whāinga tūranga mahi mā te hunga rangatahi kia tautokotia te whanaketanga o te hunga kaihoe o āpōpō.
Ko ā mātou kaupapa, waitohu, tūhononga anō hoki ka hāngai katoa ki te iwi me te whakatutuki i ō rātou hiahia. Ko tā mātou mahi he whakaaweawe, he hanga anō i te āhua o te tuakiri ā-motu mā te tukunga o ā tātou kōrero, ahurea, kauwaka reo hoki kia toi auaha ai. Ka waihangatia ngā kaupapa whai take e hāngai pū ana ki ngā apataki, e tūhono nei hoki i te iwi ki tō tātou ao Maori, ki a Aotearoa me te ao whānui.
