Tēnei te karanga a Whakaata Māori kia tukua mai ngā tautapanga mō Ngā Tohu Matariki o te Tau 2023.

‍

Ka tuwhera ngā tono ā te Mane, te 30 o Hānuere 2023.

‍

He mea tuku ngā tohu i ia tau hei whakamihi i ngā whetū pīataata o te hapori. Ka tae ake ngā manukura o Aotearoa ki te whakatairanga i te kaupapa.

‍

He tohu whakamihi i te eke panuku a ngāi Māori ki ngā taumata teitei o te mātauranga, o ngā mahi toi me te whakangahau, o te hauora me te pūtaiao, o te hākinakina, o ngā mahi pakihi, o te hapori, o te reo Māori me ngā tikanga Māori, o te hunga rangatahi anō hoki.

‍

E rapu nei a Whakaata Māori kia tautapangia ngā ingoa takitahi me ngā rōpū, taitamariki, taipakeke rānei e angitu ana.

‍

Ko te hunga kua whakawhiwhia ki Ngā Tohu Matariki o mua ko Tā Tīmoti Kāretu, ko Witi Ihimaera, ko Kahurangi Lisa Carrington, ko Rob Ruha, ko Te Rōpū Whakakaupapa Urutā, ko Six60, ko Te Māhurehure Marae, ko Ahorangi Whatarangi Winiata, ko te tokomaha atu anō.

‍

He mea aro ngā tautapanga o ngā wāhanga e iwa ki ngā mahi kua oti i te 1 o Hānuere ki te 31 o Tīhema 2022. Kia hāngai anō ngā mahi ki te rāngai tūmatanui, ki te rāngai pakihi, ki te rāngai mahi tuao, me ngā mahi ki te hapori.

‍

Ko ngā tohu e iwa ko:

1. Hiwaiterangi – Rangatahi

2. Tipuānuku - Mātauranga

3. Tipuārangi – Ngā Mahi Toi me te Whakangahau

4. Waitī – Hauora me te Pūtaiao

5. Ururangi - Hākinakina

6. Waitā – Pakihi me te Auahatanga

7. Waipunarangi - Te Reo Māori me ngā Tikanga8. Matariki - Hapori

9. Te Huihuinga o Matariki – Mō ngā mahi nunui kua tutuki i te tangata i ngā rā o tōna ao

‍

Tēnā tukua mai tō tautapanga mā te tāpae i te tono ki te pae tukutuku a Whakaata Māori, mā tēnei paehono rānei: https://www.whakaatamaori.co.nz/matariki-awards-2023

‍

Me āta tuhi e koe ngā taipitopito katoa ki te pukatono.

‍

Ki te kore ngā wāhanga katoa e tuhia, ka kore te tautapanga e whakaaetia.

‍

Ka kati ngā tono ā te 5pm o te Mane, te 27 Pēpuere 2023.

‍

Mō te roanga atu o ngā kōrero, tēnā whakapā mai ki: matariki2023@maoritelevision.com